دردشة اخر الليل _ الحلقة ١

واقع عايشينه صاحبك اللى شغال فى الخليج وكان عايش ملك خفضوا راتبه واحتمال يمشوه ومحبوس مش عارف ينزل يطمن علي اولاده اما صاحبك اللى شغال فى شركة انترناشيونال ومقضيها سفر فى العالم كله فقاعد على كف الرحمن خايف يستغنوا عنه وصاحبك اللى كان فاتح مطعم و مشروع الاكل ده عمره مابيخسر قاعد في بيتهم مش عارف يدفع ايجار المطعم حتى وقريبك اللى كان معاه الجنسية وعايش فى امريكا محبوس هناك وبيشوف الجثث حواليه كل يوم حتي الملياردير اللى عنده طيارة خاصة بقت مصدية فى المطار مش عارف يحركها ولو حتي عرف يحركها مفيش دولة راضية تستقبله وحتي لو استقبلوه اصلا مفيش حد عنده علاج عرفت ان كل الاشياء اللى كنت هتموت عليها وبتبيع كل الناس حتى اقربهم ليك طلع ملهاش اي قيمة؟ اللهم لك الحمد كما ينبغي لجلال وجهك وعظيم سلطانك مفيش شعب في العالم بيسكن في شقه مساحتها 250 متر و بيعمل نصها صالون كبير و سفرة ومطبخ أمريكي مفتوح عشان لما يجي ضيوف يقولوا بيتهم واو و حلو ! مفيش شعب يوم الفرح يدفع حوالي 4 سنين من عمر العريس لتكاليف الفرح عشان يقولوا عليه قد المقام و عيلته ترفع الراس .. احنا كلنا عايشين غلط باختلاف طبقاتنا و إمكانياتنا الفكريه والمادية !.. من اللي ماسك آيفون 11 وأساسا جايبه بالتقسيط لحد اللي بتشتكي غلاء سعر الخضار والفاكهة وهي بترمي نصها في الزبالة آخر النهار ! خللونا نكون صريحين... احنا مش فقراء .. احنا شعوب ما بتفهمش وناقصه عقل ودينَ الا من رحم ربي .. للأسف مستهلكين وغير منتجين بالمرة احنا شعب بيحب الفشخرة ويعشق المظاهر.. بنشتغل في وظائف مش بنحبها ومن خارج اختصاصنا عشان نشتري أشياء مش بنحتاجها عشان نثير اهتمام أشخاص بنكرههم !!.. .. النهارده من اول هزه صغيرة.. الكل بيلطم وبيشتكي. كورونا و وتداعيات كورونا درس لينا كلنا عشان نصحى لنفسنا.. طلعنا بنقدر نقعد بالبيت ايام طويلة بدون ما نخرج نعمل شوبينج و نصرف من الماستركارد.. وطلعنا بنقدر نتجوز بدون حفلة وصالات و معازيم.. وبنقدر وبنقدر وبنقدر ... والحياة سهلة اذا تخلينا عن التفكير بكلام الناس وايه يرضي الناس.. وانه برضو بنقدر نسلم بدون بوس و أحضان اغلبها دجل ونفاق والقلوب سوده وتظهر ما لا تخفي .. لازم نغير كل أسلوب حياتنا ونعيش على قدنا. القناعة كنز والرضى ثروة..